प्रधानसेनापति सिग्देल स्वदेश फर्किए

काठमाडौं । प्रधानसेनापति अशोकराज सिग्देल स्वदेश फर्किएका छन्।

भदौ १० देखि १२ गतेसम्म थाइल्याण्डको हुआ हिन शहरमा आयोजित चिफ्स अफ डिफेन्स सम्मेलनमा सहभागी भएर सिग्देल शुक्रबार नेपाल फर्किएका हुन्। अमेरिकाको इण्डो प्यासिफिक कमाण्ड र रोयल थाई आर्म्ड फोर्सको सहकार्यमा सम्मेलन आयोजन गरिएको हो।

प्रधान सेनापति सिग्देललाई त्रिभुवन अन्तर्राष्ट्रिय विमानस्थलमा बलाधिकृत रथी निर्मल कुमार थापाले स्वागत गरेका थिए।