सुन तोलाको २ लाख नाघ्यो

काठमाडौं । नेपाली बजारमा सुनको मूल्य तोलाको २ लाख रुपैयाँ नाघेको छ । 

नेपाल सुनचाँदी व्यवसायी महासंघकाअनुसार आज छापावाल सुनको मूल्य तोलामा १ हजार २ सय रुपैयाँले बढेर २ लाख ६ सयमा कारोबार भइरहेको छ । जुन अहिलेसम्मकै उच्च मूल्य हो । 

यसअघि बिहीबार सुनको मूल्य तोलाको १ लाख ९९ हजार ४ सय रुपैयाँमा कारोबार भएको थियो । 

यस्तै, आज चाँदीको मूल्य पनि बढेको छ । तोलामा ५ रुपैयाँले बढेर चाँदी २ हजार ३ सय ६० रुपैयाँमा कारोबार भइरहेको महासंघले जनाएको छ ।