जुवा खेलेको भन्दै नुवाकोटको होटलबाट २२ जना पक्राउ, करिब ११ लाख बरामद

फन्ट परिवर्तन गर्नुहोस:

  • change font
  • change font
  • change font

नुवाकोट । ठूलो जुवा खाल बनाएर खेलिरहेका २२ जुवाडे पक्राउ परेका छन् । नगदसहित उनीहरूलाई नियन्त्रणमा लिएको प्रहरीले जनाएको छ ।

शिवपुरी गाउँपालिका-६ गुर्जेभन्ज्याङमा रहेको बार्दलीइन होटलमा जुवा खेलिरहेका २२ जनालाई कौडा र ठूलो परिमाणको नगदसहित पक्राउ गरिएको जिल्ला प्रहरी कार्यालय नुवाकोटले जनाएको छ।

प्रहरी नायब उपरीक्षक विक्रम लामाको टोलीले कौडा खेलिरहेको जानकारी पाएपछि छापा मारेको थियो।

प्रहरी टोलीले ६ जना महिलासहित २२ जनालाई ३१ थान कौडा र नगद १० लाख ७१ हजार ६ सय रुपैयाँसहित जुवा खेलिरहेको अवस्थामा पक्राउ गरिएको हो ।

पक्राउ परेकाहरूलाई विदुरस्थित प्रहरीको हिरासतमा राखिएको छ। उनीहरूलाई जुवा सम्बन्धी कसुरमा जिल्ला प्रशासन कार्यालय नुवाकोटबाट सात दिनको हिरासतमा राख्ने म्याद थप गरी थप अनुसन्धान भइरहेको प्रहरीले जनाएको छ ।

एक्ट प्रो नेपालमा प्रकाशित सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला। फेसबुकट्वीटर मार्फत पनि हामीसँग जोडिन सकिनेछ । हाम्रो *युटुब च्यानल पनि हेर्नु होला।