कस्तो छ तपाईंको आजको राशिफल ?

आजको पञ्चाङ्ग

काठमाडौं । २०८२ भदाै १३ गते शुक्रवार, २९ अगस्ट २०२५। भाद्र शुक्लपक्ष षष्ठी तिथि, १७ः५४ बजेपछि सप्तमी। स्वाती नक्षत्र, १०ः४६ बजेपछि विशाखा। चन्द्रराशि तुला।

आजको राशिफल

मेष: प्रेममा केही असन्तुष्टि भए पनि मिलाउँदै अघि बढ्न सकिनेछ । व्यापारमा मन्दी आउने संकेत छ । बोलेको कुरा पूरा गर्न नसक्दा सहकर्मी तथा आफन्तबाट आलोचना हुन सक्छ । खानपानमा ध्यान नदिँदा स्वास्थ्यमा समस्या आउने सम्भावना छ ।

बृष: पढाइ लेखाइमा मन जानेछ र राम्रो नतिजा ल्याउन सकिनेछ । व्यापार व्यावसाय फस्टाउनेछ तर अन्य क्षेत्रमा गरिएको लगानीमा मन्दी आउनेछ । राजनीतिकर्मी तथा समाजसेवीहरुले जनताको काम गरी नाम कमाउनेछन् । नोकरिमा सहकर्मीलाई पछि पार्दै सम्मान पाउने योग छ ।

मिथुन: साझपख समय राम्रो रहनेछ, प्रेममा नजिक हुन सकिनेछ । काम गर्नेहरुलाई समयले साथ दिनेछ । तर समय तथा कामको तालमेल नमिल्दा अरुभन्दा पछि पर्न सकिन्छ । अध्ययनमा ध्यान नजाँदा अरुकै पोल्टामा नतिजा पर्नेछ । खानपानमा ध्यान नदिँदा स्वास्थ्य समस्या र औषधि खर्च बढ्नेछ ।

कर्कट: पढाइ लेखाइमा मन जानेछ भने प्रेम जीवन अझ मजबुत बन्नेछ । साझपख कष्टकर यात्रा सम्भव छ । व्यापार व्यवसाय फस्टाउनेछ । मनपर्ने वस्तुको प्रयोग गर्न पाइनेछ जसले मन प्रसन्न बनाउनेछ । धन र सम्पत्तिको प्रयोग गरी आम्दानी बढाउन सकिनेछ ।

 सिंह: शुभचिन्तक तथा परिचित व्यक्तिबाट सहयोग पाइनेछ । कार्यक्षेत्रमा राम्रो काम गरी नाम र दुवै दाम कमाउन सकिनेछ । पुराना विवाद सुल्झाउन तपाईँको भूमिका महत्वपूर्ण हुनेछ । लोकप्रियता चुलिनेछ । अध्ययनमा मन जानेछ ।

कन्या: व्यापार व्यवसाय फस्टाउनेछ । तर दैनिक काम बीचमै रोकिँदा आर्थिक भार पर्न सक्छ । नाफा कमाउन निकै समय खर्चिनु पर्नेछ । प्रेममा धोका हुने संकेत छ भने आश्वासन दिनेहरु सक्रिय हुनेछन् ।

तुला: पढाइमा पर्याप्त समय दिएमात्र राम्रो नतिजा हात लाग्नेछ । लगानी गर्न केही समय कुर्नु उपयुक्त हुनेछ । आफन्तबीच मनमुटाव सिर्जना हुन सक्छ । स्वास्थ्यमा समस्या आएर उपचार खर्च बढ्ने सम्भावना छ ।

वृश्चिक: साथीभाइ तथा इष्टमित्रबाट उपहार प्राप्त हुनेछ । प्रेम जीवनमा नजिक हुने अवसर आउँछ र पति–पत्नीबीच विश्वास बढ्नेछ । पढाइ लेखाइमा ध्यान जानेछ र अरुलाई पछि पार्दै राम्रो नतिजा ल्याउन सकिनेछ ।

धनु:साथीभाइ तथा इष्टमित्रबाट सहयोग पाइनेछ जसले व्यवसायमा लगानी बढाउन सहयोग पुर्याउनेछ । न्यायिक निर्णयहरु तपाईँकै पक्षमा हुनेछन् । पढाइ लेखाइमा अलिकति समय दिए पनि नतिजा आफुतर्फै आउँछ ।

मकर: व्यापारमा लगानी गर्न केही समय पर्खनु राम्रो हुनेछ । अध्ययनमा ध्यान नजाँदा महत्वपूर्ण उपलब्धी गुम्न सक्छ, सचेत रहनुहोला । प्रेममा रमाउन चाहनेका लागि समय सामान्य हुनेछ । समस्या आउन सक्छ, सावधानी अपनाउनुहोला ।

कुम्भ: साझपख समय राम्रो रहनेछ । अध्ययनमा मन जानेछ र नतिजा आफ्नो पक्षमा ल्याउन सकिनेछ । व्यापारमा मन्दी भए पनि घरजग्गा तथा सवारीसाधन कारोबारबाट राम्रो आम्दानी हुनेछ । परिवारको सदस्यको स्वास्थ्यमा समस्या आउन सक्छ । प्रेममा आज नजिक नहुनु नै राम्रो हुनेछ ।

 मीन: अध्ययन अध्यापनमा मन जानेछ, उत्कृष्ट नतिजा हासिल गर्न सकिनेछ । व्यापार व्यवसाय फस्टाउनेछ । विवादित विषय हल हुनेछन् र न्यायिक निर्णय तपाईँकै पक्षमा आउनेछ । साझपख आफन्तसँग मनमुटाव बढ्न सक्छ, ध्यान दिनुहोला ।

राशिफल जे जस्तो भएपनि तपाईंको दिन शुभ रहोस् ।