चलचित्र ‘बुकी’को पोस्टर सार्वजनिक

काठमाडौं । मोहन केसी निर्देशित नेपाली चलचित्र ‘बुकी’को फस्टलुक पोस्टर सार्वजनिक गरिएको छ। पोस्टरमा हिमाली चौर, बुकी फूल र भलिबल खेलिरहेका महिलाहरू देखिएका छन्।

खेलकुद र प्रकृतिबीचको सम्बन्धको कथा बोकेको फिल्म ‘बुकी’मा सुरक्षा पन्त, देबेन्द्र बब्लु, रोशनी कार्की लगायत कलाकारको अभिनय छ।

हिमालयन म्युजिकल इभेन्ट म्यानेजमेन्ट एन्ड फिल्मसको प्रस्तुति रहेको फिल्मको छायांकन काठमाडौं, पोखरा र ढोरपाटनमा गरिएको हो। सन् २०२६ भित्र प्रदर्शनको तयारी भइरहेको निर्माण टिमले जनाएको छ।