गुन्डानाइके चक्रे मिलनसहित ४७ जना पक्राउ

काठमाडौं । राजधानीमा आपराधिक गतिविधिमा संलग्न रहेको आरोपमा कुख्यात गुन्डानाइके चक्रे गुरुङ (चक्रे मिलन) सहित ४७ जनालाई प्रहरीले पक्राउ गरेको छ।

काठमाडौं प्रहरी परिसरका अनुसार उनीहरूलाई आपराधिक गतिविधि बढाउने र नागरिक तथा व्यवसायीलाई तर्साउने काममा संलग्न देखिएपछि पक्राउ गरिएको हो।

प्रहरीका अनुसार अपराध अनुसन्धान कार्यालय र काठमाडौं प्रहरीको संयुक्त टोलीले राति अपरेसन सञ्चालन गरी उनीहरूलाई नियन्त्रणमा लिएको हो।

यसअघि बुधबार राति अर्का गुन्डानाइके युवराज गुरुङ उर्फ ‘सानुभाइ’ लाई पनि प्रहरीले पक्राउ गरिसकेको छ।