गैरहाजिर २२ प्रहरी कर्मचारीलाई ७ दिने अल्टिमेटम, सम्पर्कमा नआए, जागिर जाने

काठमाडौं । नेपाल प्रहरीको प्रहरी प्रधान कार्यालयले कार्यालयको सम्पर्कमा नरहेका २२ जना प्रहरीलाई सात दिनभित्र सम्पर्कमा आउन निर्देशन दिएको छ ।

आइतबार एक सूचना जारी गर्दै लामो समयदेखि सम्पर्कविहीन र गैरहाजिर रहेका २२ प्रहरी कर्मचारीहरूलाई अन्तिम मौका दिएको हो । तोकिएको समयभित्र सन्तोषजनक स्पष्टीकरणसहित उपस्थित नभए सेवाबाटै हटाउने चेतावनी दिएको हो।

तोकिएको म्यादभित्र पनि उपस्थित नहुने कर्मचारीलाई प्रहरी नियमावली बमोजिम सेवाबाट हटाउने कारबाही अगाडि बढाइने व्यहोरासमेत सूचनामा उल्लेख छ।