चीनमा इन्टरनेट प्रयोगकर्ताको संख्या १ अर्ब १२ करोड नाघ्यो

बेइजिङ। चीनमा इन्टरनेट प्रयोगकर्ताको संख्या २०२५ को जुन महिनासम्म १ अर्ब १२ करोड नाघेको छ। चीन इन्टरनेट नेटवर्क इन्फर्मेसन सेन्टर ले सोमबार सार्वजनिक गरेको प्रतिवेदनअनुसार कुल जनसंख्याको ७९.७ प्रतिशतले इन्टरनेट पहुँच पाएका छन्। यो सन् २०२४ को डिसेम्बर महिनाको तुलनामा १.१ प्रतिशत विन्दुले वृद्धि हो।

प्रतिवेदनमा भनिएको छ कि चीनको १४औँ पञ्चवर्षीय योजना (२०२१–२०२५) अन्तर्गत इन्टरनेट पूर्वाधार र पहुँचमा उल्लेखनीय सुधार भएको छ। विशेषगरी वृद्ध नागरिक र ग्रामीण क्षेत्रका बासिन्दा इन्टरनेट सेवाको फाइदामा थप समावेश भएका छन्।

सन् २०२५ जुनसम्ममा ६० वर्ष वा सोभन्दा माथिका १६ करोड १० लाख मानिस इन्टरनेट प्रयोगकर्ताको रूपमा सूचीकृत भएका छन्। यिनहरूमध्ये इन्टरनेट पहुँच ५२ प्रतिशत पुगेको छ। त्यस्तै, ग्रामीण क्षेत्रका ३२ करोड २० लाख प्रयोगकर्ताबीच इन्टरनेट पहुँच ६९.२ प्रतिशत पुगेको बताइएको छ।

इन्टरनेटको तीव्र विकासले चिनियाँ संस्कृतिको विश्वव्यापी प्रवर्द्धनमा समेत महत्त्वपूर्ण भूमिका खेलेको प्रतिवेदनमा उल्लेख छ। चिनियाँ अनलाइन साहित्य र भिडियो खेलहरूको निर्यात वृद्धि, लोकप्रिय वेब सिरिजहरू र तिनसँग सम्बन्धित पर्यटकीय गन्तव्यबीचको तालमेलले देशको डिजिटल सांस्कृतिक कूटनीतिमा नयाँ ऊर्जा थपेको छ।

विश्लेषकहरूका अनुसार इन्टरनेटको पहुँच र समावेशीताले डिजिटल विभाजन घटाउँदै सामाजिक र आर्थिक समावेशीकरणलाई गति दिने अपेक्षा गरिएको छ।