साफ यू-२० च्याम्पियनसिप: उपाधिका लागि बंगलादेशसँग भिड्दै नेपाल

काठमाडौं । बंगलादेशको ढाकामा जारी साफ यू-२० महिला फुटबल च्याम्पियनसिप अन्तर्गत आज अन्तिम खेलमा नेपालले बंगालदेशको सामना गर्दैछ ।

उपाधिका लागि दुई देशबीच ढाकास्थित किङ्स एरेनामा नेपाली समयअनुसार साँझ ६:३० बजे खेल हुनेछ । खेलमा नेपालका लागि विजेता हुन जितको खाँचो छ। बंगलादेशलाई भने बराबरीले पनि पर्याप्त हुनेछ।

यसअघि नेपालले भुटानलाई पहिलो खेलमा ६-१ र दोस्रो खेलमा ८-० गोलले हराएको थियो। यस्तै नेपालले श्रीलंकालाई दुवै खेलमा ७-० गोलले हराएको थियो। नेपालले पाँचमध्ये चार खेलमा जित निकाल्दा बंगलादेश भने पाँचै खेलमा विजयी भएको छ।