समृद्धि फाइनान्स र पोखरा फाइनान्स मर्जरमा, १:१ स्वाप रेसियोमा एकीकृत हुने

काठमाडौं । समृद्धि फाइनान्स लिमिटेड र पोखरा फाइनान्स लिमिटेड मर्जर प्रक्रियामा जाने भएका छन्। दुई वित्तीय संस्थाबीच १ बराबर १ को स्वाप रेसियोमा मर्जर सहमति भएको छ।

आइतबार बिहान पोखरास्थित होटल ल्यान्डमार्कमा आयोजित एक समारोहका बीच दुवै कम्पनीका प्रतिनिधिहरूले मर्जर सम्झौतापत्रमा हस्ताक्षर गरेका हुन्।

मर्जरपछि बन्ने एकीकृत संस्थाको सञ्चालक समितिमा समृद्धिबाट ४ जना र पोखराबाट ३ जना सदस्य रहनेछन्। एकीकृत कम्पनीको अध्यक्ष पनि समृद्धि फाइनान्सबाट चयन गरिने छ।

मर्जर प्रक्रियाले दुवै कम्पनीको पुँजी, सेवा सञ्जाल र प्रतिस्पर्धात्मक क्षमता विस्तार गर्ने अपेक्षा गरिएको छ। नियामक निकाय नेपाल राष्ट्र बैंकको स्वीकृति र आवश्यक प्रक्रिया पूरा गरेपछि मर्ज प्रक्रिया औपचारिकरूपमा कार्यान्वयनमा आउनेछ।

यस मर्जरलाई वित्तीय क्षेत्रमा संस्थागत सुदृढीकरणको दिशामा सकारात्मक कदमका रूपमा हेरिएको छ।