असार १ गते आइतवार कस्तो रहनेछ तपाईंको भाग्य ? राशिफलमा हेर्नुहोस्

आजको पञ्चाङ्ग

काठमाडौं । २०८२ असार १ गते, आइतवार, १५ जुन २०२५। आषाढ कृष्णपक्ष चतुर्थी तिथि, १४ः२२ बजेपछि पञ्चमी। श्रवण नक्षत्र। चन्द्रराशि मकर।

आजको राशिफल

मेष : दिन राम्रो छ। परिवारको साथ मिल्नेछ। व्यापारमा फाइदा हुनेछ। शिक्षामा गरेको मिहिनेतको फल प्राप्त हुनेछ। भाग्यको स्थानमा चन्द्रमा रहेकाले अभिभावकको आज्ञा लिएर अगाडि बढ्दा फाइदा हुनेछ। दाम्पत्य जीवन सुखमय बन्ने छ।

वृष : शिक्षाको क्षेत्रमा प्रगति हुने दिन छ। सम्पत्ति आर्जनको बाटो खुल्ने छ। राजनीतिबाट जोगिएर काम गर्नुपर्ने छ। खानपानमा ख्याल नगर्दा स्वास्थ्यमा भने जोखिम हुने खतरा छ। गुरुको साथ मिल्नेछ।

मिथुन : तपाईंको बोलीको प्रभावले आज राम्रो काम बन्ने छ। बोली र व्यवहारमा एकरुपताको खाँचो देखिन्छ। उपचारमा भए स्वास्थ्य लाभ हुनेछ। खानपानमा समस्या हुनेछ।

कर्कट : दिन राम्रो छ। इज्ज्जतका लागि सम्पत्ति खर्च गर्नुपर्ने दिन छ। साथीको साथले राजनीतिमा प्रगति हुनेछ। परिवारसँग बसेर रमाइलो गर्ने अवसर मिल्नेछ। प्रेम सम्बन्ध सुमधुर बन्ने योग छ।

सिंह : कामको बोझ थपिने जोखिम छ। परिवारले तपाईंको कुरा नबुझ्दा खटपटी बढ्नेछ। शिक्षाका क्षेत्रमा गरेको मिहिनेतको फल प्राप्त हुनेछ। राजनीति नगर्नु राम्रो हुन्छ।

कन्या : दिन राम्रो छ। सोचेको काम बन्नेछ। विपक्षी साथीले तपाईंको पक्षमा बोल्ने छन्। परिवारमा खटपटी बढ्नेछ। प्रेम सम्बन्धमा उतार चढाव आइपर्ने जोखिम रहेको छ।

तुला : परिवारको बोझले तपाईंलाई सताउने जोखिम छ। शिक्षामा थप मिहिनेत गर्नुपर्ने छ। धैर्य भएर काम गर्नु पर्ने दिन छ। बाहिरका साथीको प्रशंसा सुन्न पाइने दिन हो। काम गर्दा बुद्धिको प्रयोग गर्नु राम्रो हुन्छ।

वृश्चिक : दिन सामान्य राम्रो छ। व्यापारको लगानीबाट फाइदा हुनेछ। आफ्नो ख्याल नगर्दा पुरानो रोगले सताउने भएकाले सचेत बन्नुपर्ने छ। बौद्धिक क्षेत्रमा टकराब हुने भएकाले कम बोल्नु राम्रो हुन्छ।

धनु : धनलक्ष्मी योग परेको छ। सम्पत्तिको सदुपयोग गर्नुपर्ने दिन छ। स्वास्थ्यले साथ दिनेछ। मन शान्त र प्रशन्न हुने छ। शिक्षामा सोचेको भन्दा राम्रो नतिजा प्राप्त होला। परिवारको सल्लाह लिएर अगाडि बढेमा फाइदा हुनेछ।

मकर : उदयमान चन्द्रमा तपाईंको राशिमा पुगेकाले गुरुको साथ मिल्ने छ। लगानी गर्ने हिम्मत गरेमा व्यापारमा फाइदा हुनेछ। विपक्षी बौद्धिक भएकाले सचेत भएर अगाडि बढ्नु उचित हुन्छ।

कुम्भ : तपाईंलाई अन्त्य साढे सातीको दशा चल्दै छ। अनावश्यक खर्च बढ्नेछ। व्यापार गर्नु भन्दा शिक्षाको क्षेत्रमा मिहिनेत गर्नु राम्रो हुनेछ। परिवारसँगको सम्बन्ध सुमधुर बन्नेछ।

मीन : दिन राम्रो छ। आम्दानी बढ्नेछ। सम्पत्तिका स्रोत भेटिने योग छ। बोल्नु अगाडि सोच्नु राम्रो हुन्छ। मध्य शनिदेव भएकाले धार्मिक कार्यमा सहभागी भएर दिनको सुरुवात गर्दा फाइदा होला।

राशिफल जे जस्तो भएपनि तपाईंको दिन शुभ रहोस् ।