फिन एलेनले तोडे क्रिस गेल र साहिल चौहानको कीर्तिमान

काठमाडौं । न्युजिल्याण्डका क्रिकेटर फिन एलेनले टी-२० क्रिकेटको एकै इनिङमा सर्वाधिक छक्काको कीर्तिमान तोडेका छन् । वासिङटन फ्रीडमविरुद्ध एलेनले विस्फोटक शतक बनाउँदा छक्काकै कीर्तिमान तोडे ।

एलेनले यस खेलमा १९ छक्का प्रहार गरे र ५१ बलमा १५१ रन बनाएर आउट भएका छन् । यसअघि टी-२० क्रिकेटमा सर्वाधिक छक्काको कीर्तिमान क्रिस गेल र साहिल चौहानको नाममा थियो । गेलले बंगलादेश प्रिमियर लिगमा खेल्दा एकै इनिङमा १८ छक्का प्रहार गरेका थिए भने इस्टोनियाका चौहानले साइप्रसविरुद्ध टी-२०आईमै १८ छक्का प्रहार गरेका थिए ।