काठमाडौं। कर्णाली डेभलपमेन्ट बैंकका संस्थापक अध्यक्ष राजेन्द्रवीर राय २५० करोड रुपैयाँभन्दा बढी रकम हिनामिना गरेको आरोपमा पक्राउ परेका छन्।
शनिबार उनलाई नेपाल प्रहरीको केन्द्रीय अनुसन्धान ब्युरो (CIB) ले रुपन्देहीको बेलहियाबाट पक्राउ गरेको हो।
सल्यान घर भई नेपालगन्ज बसोबास गर्दै आएका राय पछिल्लो समय भारतमा लुकेर बसेका थिए। बैंकिङ कसुरअन्तर्गत अनुसन्धान भइरहेको प्रहरीले जनाएको छ।
राष्ट्र बैंकले कर्णाली डेभलपमेन्ट बैंकलाई गत पुस १० गते समस्याग्रस्त घोषणा गर्दै व्यवस्थापन आफ्नो हातमा लिइसकेको छ।
About Us
Comment