रास्वपाले केन्द्रिय सचिवालय र केन्द्रीय समितिको बैठक बोलायो

काठमाडौं। राष्ट्रिय स्वतन्त्र पार्टी (रास्वपा) ले पार्टी सभापति रवि लामिछानेको हकमा शुक्रबार राति सर्वोच्च अदालतबाट आदेशपछि विकसित अवस्थाको बिषयमा छलफल गर्न आज सचिवालय र केन्द्रीय समितिको भर्चुअल बैठक बोलाएको छ ।

शुक्रवार राति बसेको केन्द्रीय सचिवालयको आकस्मिक भर्चुअल बैठकले सचिवालय र केन्द्रीय समितिको भर्चुअल बैठक बोलाउने निर्णय गरेको हो ।

सचिवालयको भर्चुअल बैठक दिउँसो ३ बजे र केन्द्रीय समितिको बैठक दिउँसो ४ बजे बस्नेछ । साथै आइतबार दिउसो २ बजे पार्टी कार्यालयमा केन्द्रीय समितिको बैठक भौतिक रूपमा नै बस्ने निर्णय गरेको छ ।