सबैभन्दा उत्कृष्ट आर्थिक व्यवस्था भनेको पूँजीवादी व्यवस्था हो : गगन थापा

काठमाडौं, वैशाख ५ : नेपाली कांग्रेसका महामन्त्री गगन थापाले अर्थतन्त्रलाई अगाडि बढाउन सबैभन्दा उत्कृष्ट पूँजीवादी व्यवस्था रहेको बताएका छन्।

शुक्रवार नयाँ वर्ष २०८२ को शुभकामना तथा क्यालेन्डर विमोचन कार्यक्रममा बोल्दै उनले पूँजीवादी आर्थिक व्यवस्था भित्र नाफा हुने भन्दै पूँजीवादी व्यवस्था उत्कृष्ट रहेको बताएका हुन्।  

‘मानव समाजलाई अगाडि बढाउने सन्दर्भमा राजनीतिक प्रणालीका हिसावले सबैभन्दा उत्कृष्ट प्रणाली लोकतन्त्र प्रणाली हो। अर्थतन्त्रलाई अगाडि बढाउने हिसावमा सबैभन्दा उत्कृष्ट आर्थिक व्यवस्था भनेको पूँजीवादी आर्थिक व्यवस्था नै हो,’ उनले भने, ‘त्यो पूँजीवादी आर्थिक व्यवस्थाभित्र नाफा हुन्छ। नाफा कसरी कमाउने भन्ने कुरा सबैभन्दा महत्वपूर्ण कुरा हो।’

महामन्त्री थापाले निजी क्षेत्रलाई प्रोत्साहन गर्नुपर्ने भन्दै निजी क्षेत्रलाई सबैले मद्दत गर्नुपर्ने बताए। 

‘निजी क्षेत्र र विचौलिया फरक कुरा हो। हामीले निजि क्षेत्रलाइ प्रोत्साहन गर्ने, मद्दत गर्ने र विचौलियाको प्रवृतिलाई निरुत्साह गर्ने हो,’ उनले भने, ‘पूँजीवादी अर्थ व्यवस्था भित्र विचौलियाको ठाउँ  हँदैन’