सुनको मूल्यले फेरि बनायो अर्को नयाँ रेकर्ड, प्रतितोला कति पुग्यो?

काठमाडौ । आज (बिहीबार) नेपाली बजारमा सुनको मूल्यले अर्को नयाँ रेकर्ड बनाएको छ। विगत केही देनदेखि निरन्तर नयाँ रेकर्ड बनाउँदै आएको सुनको मूल्य बिहीबार तोलामा १ लाख ९० हजार ६ सय रुपैयाँ पुगेको छ।

आज सुनको मूल्य एकैपटक ३ हजार ६ सय रुपैयाँ बढेको नेपाल सुनचाँदी व्यवसायी महासंघले जनाएको छ। महासंघका अनुसार अघिल्लो दिन छापावाल सुनको मूल्य तोलामा १ लाख ८७ हजार रुपैयाँ रहेको थियो।

यस्तै बिहीबार चाँदीको मूल्य पनि बढेको छ। अघिल्लो दिन १९५५ रुपैयाँ कायम भएको चाँदीको मूल्य आज बढेर तोलामा १९६० रुपैयाँ पुगेको महासंघले जनाएको छ।