प्रहरीमाथि आक्रमण गर्ने विद्यार्थी नेताविरुद्ध कुटपिट मुद्दा

काठमाडौं । काठमाडौं जिल्ला अदालतमा प्रहरीमाथि आक्रमण गर्ने अनेरास्ववियुका विद्यार्थी नेताविरुद्ध कुटपिट मुद्दा दायर भएको छ। सरकारी वकिलको कार्यालयले दर्ता गरेको मुद्दामा कमलराज जोशीसहित ६ जना प्रतिवादी बनाइएका छन्।

उनीहरूलाई माघ २४ गते राति ड्युटीमा रहेका प्रहरीमाथि कुटपिट गरी घाइते बनाएको आरोप लागेको छ।

अभियोगपत्रअनुसार उनीहरूले प्रहरीको बर्दी च्यात्ने, हेल्मेटले हिर्काउने र लट्ठी खोस्ने जस्ता कार्य गरेको उल्लेख छ।