विशाल बजारको लाभांश पाउन सेयर किन्ने आज अन्तिम दिन

काठमाडौं । विशाल बजार कम्पनीले घोषणा गरेको लाभांश पाउन सेयर किन्ने आज अन्तिम दिन रहेको छ ।

कम्पनीले लाभांश तथा साधरण सभा प्रयोजनार्थ भोलि (फागुन ९ गते) बुकक्लोज तोकेको छ । सो अनुसार आजसम्म कायम रहने सेयरधनीले मात्रै कम्पनीको लाभांश पाउने छन् ।

कम्पनीले गत आवको नाफाबाट १४ प्रतिशत नगद (करसहित) लाभांश प्रस्ताव गरेको छ । उक्त लाभांश पारित गर्न कम्पनीले फागुन २८ गते त्रिभुवन आर्मी अफिसर्स क्लब, सुन्धारा, काठमाडौँमा वार्षिक साधारण सभा बोलाएको छ। सो सभा बिहान ११ बजे सुरु हुनेछ।