बढ्यो सुनको मूल्य, नाघ्यो तोलाकै १ लाख ७० हजार

काठमाडौं । नेपाली बजारमा सुनको मूल्य प्रतितोला एक लाख ७० हजार नाघेको छ।  शुक्रबार छापावाला सुनको भाउ तोलामा ४०० रुपैयाँ बढेको हो ।

बिहीबार १ लाख ६९ हजार ८०० रुपैयाँमा खरिदबिक्री भएको थियो । तर, आज बढेर १ लाख ७० हजार २०० रुपैयाँ कायम भएको नेपाल सुनचाँदी व्यवसायी महासंघले जनाएको छ ।

महासंघका अनुसार साताको अन्तिम कारोबार दिन चाँदीको मूल्य पनि तोलामा ५ रुपैयाँ बढेर १ हजार ९७० रुपैयाँ कायम भएको छ । बिहीबार भने १ हजार ९६५ रुपैयाँमा खरिदबिक्री भएको थियो ।