बूढानीलकण्ठको एक घरमा प्रहरीको छापा, २३ जना पक्राउ

काठमाडौँ । प्रहरीले काठमाडौंको बूढानीलकण्ठबाट २३ जनालाई पक्राउ गरेको छ ।

अनलाइन जुवा खेलाएको सूचनाको आधारमा जिल्ला प्रहरी परिसर काठमाडौंको टोलीले बूढानीलकण्ठस्थित एक घरमा छापा मारेर उनीहरूलाई पक्राउ गरेको हो ।

परिसरका एसएसपी विश्व अधिकारीका अनुसार पक्राउ पर्नेहरू अधिकांश भारतीय नागरिक छन् । कागजात हेरेर पक्राउ पर्नेहरूको विवरण यकिन गर्ने काम भइरहेको एसएसपी अधिकारीले जानकारी दिए । सो घरबाट प्रहरीले ८८ वटा मोबाइल र १० थान ल्यापटप समेत बरामद गरेको छ ।