दुर्गा प्रसाईंलाई अदालत उपस्थित गराउन सर्वोच्चको आदेश

काठमाडौं ।  सर्वोच्च अदालतले मेडिकल व्यवसायी दुर्गा प्रसाईंलाई अदालतमा उपस्थित गराउन आदेश दिएको छ । बन्दी प्रत्यक्षीकरणको मुद्दामा सुनुवाई गर्दै सर्वोच्चले कारण देखाऊ र बन्दीसहित उपस्थित गराउन आदेश गरेको हो ।  

बुधवार न्यायाधीश सुनिलकुमार पोखरेलको इजलासमा पेसी तोकिएको थियो ।  

अदालत परिसरबाटै पक्राउ परेका प्रसाईंलाई जिल्ला अदालतले साइबर अपराध बाहेक अर्कोमा म्याद थप गरेको थियो । सोपछि प्रसाईंका छोरा निराजनले बन्दी प्रत्यक्षीकरणको निवेदन दर्ता गराएका  थिए ।