एसीसी यू–१९ एसिया कपमा नेपाल आज बंगलादेशसँग खेल्दै

काठमाडौं । एसीसी यू–१९ एसिया कपमा नेपालले आज बंगलादेशसँग खेल्दैछ।  दुबईमा जारी प्रतियोगितामा नेपालले बंगलादेशसँग नेपाली समय अनुसार बिहान पौने ११ बजे खेल्ने तालिका छ।

पहिलो खेलमा श्रीलंकासँग पराजित नेपाल आज जित्नै पर्ने दबाबसहित मैदान ओर्लिने छ। शुक्रबार भएको खेलमा नेपाल श्रीलंकासँग ५५ रनले पराजित भएको थियो।

साविक विजेता बंगलादेशसँग खेल्न लागेको नेपालका लागि आजको प्रतिष्पर्धा निकै कडा हुने अनुमान छ। अघिल्लो सिजनको फाइनलमा बंगलादेशले  यूएईलाई हराएर उपाधि आफ्नो पारेको थियो। नेपाल रहेको समूह बीमा श्रीलंका, बंगलादेश र अफगानिस्तान छन्।