चिनियाँ विदेशमन्त्रीलाई नेपाल भ्रमणको निम्तो

काठमाडौँ । परराष्ट्रमन्त्री डा. आरजू राणा देउवाले चिनियाँ विदेशमन्त्री वाङ यीलाई नेपाल भ्रमणको निम्तो दिएकी छन् ।

बिहीबार चीन पुगेकी परराष्ट्रमन्त्री रानाले चिनियाँ विदेशमन्त्री यीलाई शुक्रबार छङ्दु शहरमा भेटेकी थिइन् । उक्त भेटका क्रममा रानाले यीलाई नेपाल भ्रमणको निम्तो दिएकी हुन् ।

प्रधानमन्त्री केपी शर्मा ओलीको आसन्न भ्रमणको तयारीका लागि चीन पुगेकी राना शनिबार स्वदेश फर्किँदैछिन् ।

प्रधानमन्त्री ओली आउँदो १७ गते चीन जाँदैछन् । उनी २० गते स्वदेश फर्किनेछन् ।