कर्णाली डेभलपमेन्ट बैंक समस्याग्रस्त घोषणा, करोबार गर्न रोक

काठमाडौं । कर्णाली डेभलपमेन्ट बैंक समस्याग्रस्त घोषणा भएको छ । बैंकको पूँजी कोष अनुपात नपुगेपछि नेपाल राष्ट्र बैंकले शीघ्र सुधारात्मक कारबाही गर्दै समस्याग्रस्त घोषणा गरेको हो ।

राष्ट्र बैंकको वित्तीय संस्था सुपरीवेक्षण विभागका अनुसार नेपालगञ्ज बाँकेमा केन्द्रीय कार्यालय रहेको कर्णाली डेभलपमेन्ट बैंकले तोके बमोजिमको न्यूनतम पूँजीकोष अनुपात कायम नगरेको र खराब कर्जा अनुपात ४०.८५ प्रतिशत पुगेकाले कारबाही गरिएको हो ।

शीघ्र सुधारात्मक कारबाहीमा परेसँगै कर्णालीलाई आजैदेखि थप निक्षेप संकलन र कर्जा प्रवाह गर्न रोक लगाइएको राष्ट्र बैंकले जनाएको छ ।