नेपाल प्रहरीका ८ जना डीआईजीमा सिफारिस

काठमाडौं । नेपाल प्रहरीका नायब महानिरीक्षक (डीआईजी)मा आठ जनाको बढुवा सिफारिस भएको छ।

आइतबार बसेको बढुवा समितिको बैठकले रिक्त रहेका डीआइजी पदमा ८ जना प्रहरी बरिष्ठ उपरीक्षक (एसएसपी)को बढुवा सिफारिस गरेको हो। बढुवा समितिले धुबराज राउत, भोला बहादुर रावल, गणेश चन्द, सिद्धिबिक्रम शाह, सुशीलसिंह राठौर, उमाप्रसाद चतुर्वेदी, हिमालयकुमार श्रेष्ठ र डम्बरबहादुर बिकलाई डीआईजीमा सिफारिश गरेको हो। 

राउत, रावल र चन्द प्रहरी महानिरीक्षक वसन्तबहादुर कुँवरका ब्याची हुन्।