आज धितोपत्र कारोबार नहुने

काठमाडौं । पूर्वसभामुख दमननाथ ढुंगानाको निधनको शोकमा सरकारले सार्वजनिक बिदा दिएकाले आज धितोपत्रको कारोबार नहुने भएको छ। 

आज बिहान बसेको मन्त्रिपरिषद् बैठकले सभामुख ढुंगानाको निधनको शोकमा देशभर सार्वजनिक बिदा दिने निर्णय गरेको हो। 

सोहीबमोजिम आजलाई धितोपत्र कारोबार पनि स्थगन गरिएको नेपाल स्टक एक्सचेन्जले सूचना जारी गरी जानकारी गराएको हो ।