देशभर पश्चिमी र स्थानीय वायुको प्रभाव, यस्तो रहनेछ आजको मौसम

काठमाडौं ।  मौसम पूर्वानुमान महाशाखाले आज पनि देशभर पश्चिमी वायु तथा पहाडी भू–भागमा स्थानीय वायुको सामान्य प्रभाव रहेको जनाएको छ।

महाशाखाले आज बिहानैदेखि तराई मधेशका अधिकांश क्षेत्रमा हुस्सु लागेको छ।

महाशाखाका अनुसार आज कोशी प्रदेश, बागमती प्रदेश, र गण्डकी प्रदेशका पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने छ।

यस्तै आज राती कोशी प्रदेश, बागमती प्रदेश, गण्डकी प्रदेश र लुम्बिनी प्रदेशको पहाडी भू–भागमा आंशिक बदली रही बाँकी भू–भागमा मौसम मुख्यतया सफा रहने महाशाखाले जनाएको छ।