साफ महिला च्याम्पियनसिपको सेमिफाइनल प्रवेशका लागि नेपाल आज श्रीलंकासँग खेल्दै

काठमाडौं । साफ महिला च्याम्पियनसिपको सेमिफाइनल प्रवेशका लागि समूह ‘बी’ को निर्णायक खेलमा नेपालले आज श्रीलंकासँग खेल्दैछ। खेल  दशरथ रगंशालामा साँझ साढे ५ बजे हुनेछ।  

सेमिफाइनल पुग्नका लागि समूह ‘बी’ मा रहेका श्रीलंका र भुटानको सम्भावना पनि उत्तिकै छ।नेपाल  श्रीलंकालाई हराउँदै समूह विजेताको रूपमा सेमिफाइनल पुग्ने लक्ष्यसहित नेपाल मैदान उत्रने छ। 

श्रीलंका पनि  नेपाललाई हराउँदै अन्तिम चारको यात्रा तय गर्ने योजनामा हुनेछ।समूह ‘बी’ मा रहेको नेपाल ४ अंकसहित तालिकाको शीर्ष स्थानमा छ।समान अकंबाट भुटान दोस्रो स्थानमा छ।३ अंक भएको श्रीलंका तेस्रो स्थानमा छ।अंकविहीन माल्दिभ्स पुछारमा छ ।