एनआइसी एशियाका ग्राहकलाई बुद्ध एयरमा ८ प्रतिशतसम्म छुट

काठमाडौं । एनआइसी एशिया बैंकका ग्राहकले बुद्ध एयरको टिकट खरिद गर्दा ८ प्रतिशतसम्म छुट पाउने भएक छन् ।

बैंक र बुद्ध एयर बीच छुट सम्बन्धी सम्झौता भएको हो ।सम्झौतापत्रमा बैंकको तर्फबाट नायब प्रमुख कार्यकारी अधिकृत सन्तोषकुमार राठी र बुद्ध एयरको तर्फबाट निर्देशक (मार्केटिङ सेल्स/ग्राउण्ड ह्याण्डलिङ) रुपेश जोशीले हस्ताक्षर गरे ।

सम्झौता अनुसार बैंकका ग्राहकले बुद्ध एयरका विभिन्न ठाउँमा रहेका १३ वटा काउन्टर र विमानस्थल काउन्टरबाट टिकट खरिद गर्दा उक्त छुट पाउने छन् ।

बैंकका ग्राहकहरूले मोबाइल बैंकिङ्ग एप, डेबिट कार्ड, क्रेडिट कार्ड एवं प्रिभिलेज कार्ड प्रयोग गरी काउन्टरमा भुक्तानी गर्दा दुई पक्षबीच भएको सम्झौता बमोजिम ८ प्रतिशतसम्म छुट पाउने बैंकले जनाएको छ ।

बुद्ध एयरसँग गरिएको यो छुट सम्झौताले बैंकका ग्राहक आउँदै गरेका चाडपर्वका बेला विभिन्न गन्तव्यमा सुलभ रुपमा आवतजावत गर्न सघाउ पुग्ने बैंकले विश्वास लिएको छ ।