पत्रकार महासंघका अध्यक्ष पोखरेलले दिए राजीनामा

काठमाडौं ।  निर्धारित समयमा चुनाव हुने वातावरण नभएपछि नेपाल पत्रकार महासंघका अध्यक्ष बिपुल पोखरेलले सोमबार पदबाट राजीनामा दिएका छन्। 

अध्यक्ष पोखरेलले तेस्रोे पटक असोज ५ गतेका लागि निर्वाचन मिति तोकेका थिए। महासंघले हालसम्म मतदाता पत्रकारको नामवली सार्वजनिक गर्न सकेको छैन। 

पत्रकार महासंघ जिल्ला, प्रदेश र केन्द्रको अवधि चैत २५ गते नै सकिएको थियो। पोखरेलले महासंघका वरिष्ठ उपाध्यक्ष रमेश विष्टलाई राजिनामापत्र बुझाए पनि कारण भने सार्वजनिक भएको छैन। 

अध्यक्ष पोखरेलको राजीनामासँगै महासंघको चुनाव अनिश्चित बनेको छ।