दोहोरो अंकले घट्यो नेप्से, ३ अर्ब ८७ करोडको कारोबार

काठमाडौं । शेयर बजार दोहोरो अंकले घटेको छ । साताको कारोबारको अन्तिमदिन नेप्से परिसूचक १०.४४ अंकले घटेर २०६८.३१ विन्दुमा झरेको हो ।

यसदिन ३०६ कम्पनीको ३ अर्ब ८७ करोड ७ लाख ४४ हजार ९०३ रुपैयाँ बराबरको ८६ लाख ६३ हजार ६९९ कित्ता शेयर किनबेच भएको छ । कारोबारमा आएका १३ वटा समूहको परिसूचकमध्ये २ वटा बाहेक अरुसबैको घटेको छ ।

आज माउण्टेन इनर्जीको सर्वाधिक कारोबार भएको छ । यसको १७ करोड १४ लाख रुपैयाँको ३ लाख ६२ हजार १२४ कित्ता शेयर किनबेच भएको छ ।