मधेशले ल्यायो ४३ अर्ब ८९ करोडको बजेट

जनकपुरधाम । मधेश सरकारले अगामी आव २०८१/८२ का लागि ४३ अर्ब ८९ करोड २१ लाख ७० हजार रुपैयाँको बजेट सार्वजनिक गरेको छ।

अर्थमन्त्री भरतप्रसाद साहले शनिवार चालुतर्फ १६ अर्ब ०७ लाख १ हजार र पुँजीगततर्फ २७ अर्ब ८९ करोड १४ लाख ६९ हजार विनियोजन गरेका छन्।

आन्तरिक राजस्वबाट ९ अर्ब ०७ करोड ३० लाख, वित्तीय हस्तान्तरणबाट पाउने अनुदान ७ अर्ब ७९ करोड ९२ लाख तथा शसर्त अनुदान ३ अर्ब ५५ करोड ७८ लाख हजार उठ्ने अनुमानसहितको बजेट आएको हो।

संघीय सरकारको राजस्व बाँडफाँटबाट १३ अर्ब ६० करोड, गत वर्षको नगद मौज्दातबाट ७ अर्ब ८६ करोड २१ लाख ७० हजार र आन्तरिक ऋण २ अर्ब उठाउने जनाइएको छ।