यो वर्ष ५ लाख सुकुमबासीको समस्या समाधान गरिने

काठमाडौं । सरकारले आगामी वर्ष ५ लाख सुकुमबासीको समस्या समाधान गर्ने बताएको छ ।

सरकारको वार्षिक नीति तथा कार्यक्रममा मार्फत ५ लाख भूमिहीन सुकुमबासीको समस्या समाधान गर्ने नीति ल्याएको छ।

गुठी सम्बन्धी कानुन व्यवस्थित गर्ने र दोहोरो स्वामित्वको समस्या समाधान गर्ने पनि सरकारले बताएको छ।

यस्तै, सरकारले बन्द  उद्योग चलाउने नीतिलाई पुनः दोहोर्‍याएको छ। राष्ट्रपति पौडेलले बन्द उद्योग कलकारखाना व्यवस्थापन गर्न निजी लगानी आकर्षित गरिने बताए ।

निजी क्षेत्र प्रतिस्पर्धी भएका गोरखकाली रबर उद्योग, बुटवल धागो कारखाना र हेटौंडा कपडा उद्योगलाई सम्भाव्यताका आधारमा सार्वजनिक निजी साझेदारी वा अन्य उपयुक्त विधिबाट व्यवस्थापन र सञ्चालन गरिने नीति तथा कार्यक्रममा उल्लेख छ।