कोशीका मुख्यमन्त्री हिक्मत कार्कीले पाए विश्वासको मत

काठमाडौं । कोशी प्रदेशका मुख्यमन्त्री हिक्मत कार्कीले विश्वासको मत पाएका छन्।

सोमबार प्रदेश सभा बैठकमा कार्कीले विश्वासको मत पाउँ भनी रखेको प्रस्तावको पक्षमा ५७ मत परेको छ। कार्कीको पक्षमा एमाले, माओवादी केन्द्र र नेकपा एकीकृत समाजवादीले मत दिएका थिए।

५ मत भने तटस्थमा परेको थियाे।

सर्वोच्च अदालतमा कार्कीको मुख्यमन्त्री नियुक्तिको मुद्दा विचाधिर रहेकै अवस्थामा विश्वास मत लिएको भन्दै प्रमुख प्रतिपक्षी दल नेपाली कांग्रेसले भने प्रदेशसभा बैठक बहिष्कार गरेको थियो।