सुनको मूल्यमा दिनप्रतिदिन नयाँ रेकर्ड, तोलाको १ लाख ३६ हजार ८ सय

काठमाडौं । सुनको भाउ अहिलेसम्मकै उच्चबिन्दुमा पुगेको छ ।

नेपाल सुनचाँदी व्यवसायी महासंघका अनुसार आज प्रतितोला ५ सय रुपैयाँ बढेर नेपाली बजारमा सुनले नयाँ रेकर्ड बनाएको हो ।

मंगलबार प्रतितोला एक लाख ३६ हजार ३ सयमा कारोबार भएको छापावाल सुन आजका लागि भने एक लाख ३६ हजार ८ सय निर्धारण भएको छ।

त्यस्तै, तेजावी सुन आजका लागि भने एक लाख ३६ हजार १ सय ५० निर्धारण भएको छ। मंगलबार प्रतितोला १ लाख ३५ हजार ६५० रुपैयाँमा कारोबार भएको थियो ।

यस्तै, चाँदीको मूल्यमा पनि सामान्य वृद्धि भएको छ। अघिल्लो दिनको तुलनामा चाँदीको मूल्य तोलामा १५ ले बढेर एक हजार सात सय कायम भएको छ।