उच्च अंकले घट्यो नेप्से, कारोबार रकम २ अर्बभन्दा बढी

काठमाडौं । शेयर बजार उच्च अंकले घटेको छ । साताको कारोबारको अन्तिमदिन नेप्से परिसूचक २८.६८ अंकले घटेर १९७२.०९ विन्दुमा पुगेको हो ।

यसदिन ३०९ कम्पनीको २ अर्ब ५९ करोड ८७ लाख ३७ हजार २२८ रुपैयाँ बराबरको ७४ लाख ४६ हजार ९९१ कित्ता शेयर किनबेच भएको छ ।

आज सोनापुर सिमेन्टको सर्वाधिक कारोबार भएको छ । यस कम्पनीको ११ करोड १३ लाख रुपैयाँ बढीको शेयर किनबेच भएको छ ।

घट्दो बजारमा आज १ कम्पनीको शेयर मूल्यमा पोजेटिभ सर्किट लागेको छ । बोटलर्स नेपाल बालाजुको शेयर मूल्य १० प्रतिशतले बढेको छ ।