दोहोरो अंकले बढ्यो नेप्से, सन नेपाल लाइफको सर्वाधिक कारोबार

काठमाडौं । शेयर बजार दोहोरो अंकले बढेको छ । साताको कारोबारको दोस्रो दिन नेप्से परिसूचक १३.२८ अंकले बढेर १९९२. ३० विन्दुमा पुगेको हो ।

यसदिन ३१४ कम्पनीको २ अर्ब १ करोड ७७ लाख ३९ हजार ६० रुपैयाँ बराबरको ५९ लाख ८८ हजार ७१७ कित्ता शेयर किनबेच भएको छ ।

आज कारोबारमा आएका १३ वटा उपसमूहमध्ये तीनवटा बाहेक अरु सबै समूहको परिसूचक बढेको छ ।

आज पनि सन नेपाल लाइफ इन्स्योरेन्सको सर्वाधिक कारोबार भएको छ । गत वर्षको नाफाबाट २५.०५ प्रतिशत लाभांश घोषणा गरेको यस कम्पनीको ९ करोड ७१ लाख रुपैयाँ बढीको शेयर किनबेच भएको छ ।