रोकिएन नेप्सेको ओरालो यात्रा, लगातार सातौं दिन गिरावट

काठमाडौं । शेयर बजार एक सातादेखि लगातार लागेको छ । गत सोमबारदेखि लगातार ओरालो लागेको नेप्सेले यस साता पनि सोही लय कायम राखेको हो । साताको कारोबारको तेस्रो दिन नेप्से परिसूचक १०.१० अंकले घटेर १८३७.७१ विन्दुमा आइपुगेको छ ।

यसदिन २९२ कम्पनीको १ अर्ब ५४ करोड ४९लाख ३५ हजार ४३८ रुपैयाँ बढीको ४६ लाख ९८ हजार ६८२ कित्ता शेयर किनबेच भएको छ ।

कारोबारमा आएका १३ वटा उपसमूहमध्ये जीवन बीमा बाहेक अरु सबैको परिसूचक राताम्मे भएको छ । आज माउन्टेन इनर्जीको शेयर सर्वाधिक कारोबार भएको छ । यसको साढे ३६ करोड रुपैयाँको शेयर किनबेच भएको छ ।

घट्दो बजारमा आज विशाल बजार कम्पनीका लगानीकर्ताले सर्वाधिक ९.५३ प्रतिशत गुमाएका छन् भने सिंगट्टी हाइड्रोपावरका शेयरधनीले १० प्रतिशत कमाएका छन् ।

लगातार नेप्से परिसूचक लगातार घट्न थालेपछि लगानीकर्तामा निराशा छाएको छ। लगानीकर्ता अन्योलमा देखिएका छन् । साना लगानीकर्ता बजारमा त्यति खुल्ल सकेका छैनन्।

बजार निरन्तर घट्न थालेपछि लगानी नै डुब्ने चिन्तामा उनीहरु रहेको देखिन्छ। लगानीकर्ताले बजारप्रति विश्वस्त हुने आधार नभेट्दा बजार ओरालो गतिमा नै देखिएको छ।