महासचिव गुतेरसको सम्बोधनबारे सभामुखले संसदलाई गराए जानकारी

काठमाडौं  ।  संयुक्त राष्ट्रसंघ (युएनओ)का महासचिव आन्तोनियो गुतेरसले संघीय संसदको दुवै सदनलाई सम्बोधन गर्नेबारे प्रतिनिधिसभाका सभामुख देवराज घिमिरेले प्रतिनिधिसभाका सांसदहरुलाई जानकारी गराएका छन्। 

आइतबार बसेको प्रतिनिधिसभा बैठकमा सभामुख घिमिरेले महासचिव गुतेरसको सम्बोधनबारे जानकारी गराएका हुन्। घिमिरेले गुतेरसले कात्तिक १४ गते मंगलबार दिउँसो ४ बजे संसदको दुवै सदनलाई सम्बोधन गर्ने भनेर सरकारबाट पत्र प्राप्त भएको जानकारी गराए। 

सभामुख घिमिरेले गुतेरसको सम्बोधनको दिन औपचारिक पोशाकमा दिउँसो ३ः४५ बजेसम्म संसदमा उपस्थित भइसक्दा सांसदहरुलाई आग्रह गरेका छन्।

प्रतिनिधिसभा नियमावली २५१ मा कुनै विदेशी राष्ट्रको राष्ट्र प्रमुख, सरकार प्रमुख, सभामुख, अध्यक्ष वा संयुक्त राष्ट्रसंघका महासचिवले बैठकलाई सम्बोधन गर्ने व्यवस्थाका लागि सरकारले अनुरोध गरेमा सभामुखले अनुमति दिने सक्ने व्यवस्था रहेको छ।