इनड्राइभले दियो म्याराथनको विजेतालाई इलेक्ट्रीक स्कुटर

काठमाडौं । राइडिङ सेयरिङ सेवा प्रदायक इनड्राइभले काठमाडौं म्याराथनका विजेतालाई इलेक्ट्रीक स्कुटर प्रदान गरेको छ ।

आइतबार काठमाडौंमा आयोजित १५औं संस्करणको फुल म्याराथनका विजेता होमनाथ श्रेष्ठलाई ईभी स्कुटर उपहार प्रदान गरेको हो ।

काठमाडौं म्याराथन एक प्रतिष्ठित दौड प्रतियोगिता हो । जसमा नेपालभरका खेलाडीहरू र इच्छुक व्यक्तिहरुले सहभागिता जनाउँछन्।

एनआरएस स्पोर्ट्स फाउण्डेशनले आयोजना गरेको काठमाडौं म्याराथन एक दशकदेख नेपालको खेलकुद क्यालेन्डरमा एक प्रमुख फिक्स्चर हो। यस वर्ष इनड्राइभले फाउन्डेसनसँग हातेमालो गरेको थियो।

इनड्राइभले म्याराथन र यसका विजेताहरूलाई समर्थन गर्नुका साथै ८ सहरहरूमा प्रशिक्षण कार्यक्रमलाई आर्थिक सहयोग गरेको छ । सोही सहयोगमा ६०० जनाले तीन महिनासम्म तालिम लिएका थिए।

साथै, कम्पनीले शुल्क तिर्न नसक्ने धावकहरूलाई प्रमोट गर्न ३०० बढी खेलाडीलाई स्लट उपलब्ध गराएको थियो ।

नेपालमा नवप्रतिभाको विकास र खेलकुदको इकोसिस्टमलाई बढावा दिन इनड्राइभको योगदान दिएको छ ।