लोकसेवाले रोक्यो सहसचिव र उपसचिवको विज्ञापन

काठमाडौं ।  लोक सेवा आयोगले आज प्रकाशित हुनुपर्ने विज्ञापन रोकेको छ। 

सरकारले गरेको माग अनुसार प्रकाशित गर्नुपर्ने विज्ञापन आयोगले कारण नै नखुलाई रोकेको सूचना प्रकाशन गरेको हो।

‘आयोगको वार्षिक कार्य तालिका २०८०/०८१ अनुसार मिति २०८०/६/२४ गते प्रकाशन गर्नुपर्ने विज्ञापन विशेष कारणवश प्रकाशन नगरिएको ब्यहोरा आयोगको मिति २०८०/६/२३ को निर्णय अनुसार सम्बन्धित सबैको जानकारीका लागि यो सूचना प्रकाशन गरिएको छ।’ आयोगले जारी गरेको विज्ञप्तिमा उल्लेख छ। तर विशेष कारण के हो त्यो भने खुलाएको छैन।