६१ किलो सुन प्रकरण- आजबाट काठमाडौं अदालतमा थुनछेक बहस हुँदै

काठमाडौँ । हङकङबाट तस्करी गरेर काठमाडौँ ल्याएको ६० किलो ७ सय ग्राम सुन प्रकरणका संलग्न प्रतिवादीहरुको बयान सकिएको छ । बयान सकिएसँगै सुन प्रकरणमा बुधबारबाट थुनछेक बहस सुरु हुनेछ ।

न्यायाधीश माधव प्रसाद मैनालीको इजलासमा २६ जना प्रतिवादीको बयान हिजो सकिएको हो। मैनालीकै इजलासमा प्रतिवादीको थुनछेक बहस शुरू हुनेछ। थुनछेक बहस सकिएपछि थुनामा पठाउने कि धरौटी माग गर्ने वा साधारण तारेखमा छाड्ने भन्नेबारे अदालतले आदेश दिनेछ। 

सुन प्रकरणमा विदेशी र स्वदेशि गरी २६ जना हिरासतमा छन्। उनीहरुविरुद्ध करिब ३ अर्बभन्दा धेरै बिगो माग दाबी गरिएको छ।