पाकिस्तानमा रेल दुर्घटना, हालसम्म १५ को निधन

इस्लामवाद । पाकिस्तानमा एउटा भयानक रेल दुर्घटना भएको छ । रावलपिण्डी जाँदै गरेको हजारा एक्सप्रेस दुर्घटनाग्रस्त भएको हो ।

यस घटनामा हालसम्म १५ जनाको मृत्यु भइसकेको छ भने ५० भन्दा बढी घाइते भएका छन् । शहजादपुर र नवाबशाह बीचको सहारा रेलवे स्टेशन नजिक दुर्घटना भएको हो ।

प्रान्तीय रेलवे अधिकारी इजाज शाहले एएफपीलाई दिएको जानकारी अनुसार दुर्घटनामा धेरै यात्रुको मृत्यु भएको छ र धेरै घाइते भएका छन् । घटनास्थलमा राहत र उद्धारका लागि अर्को ट्रेन पठाइएको छ ।

पाकिस्तान रेलवेका डिप्टी सुपरिटेन्डेन्ट महमूद रहमानले क्षतिग्रस्त डब्बाबाट कम्तीमा १५ शव निकालिएको र करिब ५० जना घाइतेलाई अस्पताल लगिएको पुष्टि गरेका छन् ।

टेलिभिजन च्यानल फुटेजमा सर्हरी रेलवे स्टेशन नजिकैको दुर्घटनास्थलमा नराम्ररी क्षतिग्रस्त रेलका डब्बाहरू देखाइएको छ ।

फुटेजमा उद्धारकर्मी र प्रहरीहरूले पटरीबाट खसेका कोचहरूबाट मानिसहरूलाई बाहिर निकालिरहेको देखिएको छ । सर्वसाधारण पनि उद्धार कार्यमा संलग्न देखिएका छन् ।

‘अहिले पटरीबाट खसेका डिव्वाहरुबाट मानिसहरूलाई बचाउने काममा सम्पूर्ण ध्यान केन्द्रित गरिएको जानकारी दिँदै रहमानले भने, ‘दुर्घटनाको कारण अनुसन्धान भइरहेको छ।’ एजेन्सी