ट्वीटरको लोगो फेरियो : चराको ठाउँमा ‘एक्स’

काठमाडौं । एलन मस्कले ट्वीटरको लोगो पूर्णरूपमा परिवर्तन गरेका छन् । ट्विटरमा रहेको ‘चरा’को ठाउँमा ‘एक्स’ राखिएको छ ।

वेबमा ट्वीटर खोल्दा सुरुमा पूरै लोड हुनुअघि पनि एक्स देखाइरहेको छ । कम्पनीका प्रमुख एलन मस्कले हिजो नै ट्वीटरको लोगो परिवर्तन गर्ने घोषणा गरेका थिए ।

यो ठूलो परिवर्तनलाई धेरैले मन पराएका छैनन् । सामाजिक सञ्जालमा यो परिवर्तनको लागि मानिसहरूले एलन मस्कको आलोचना पनि गरिरहेका छन्।

एलन मस्कलाई चिनियाँ एप वी च्याट निकै मनपर्छ र उनले धेरै पहिले भनेका थिए कि उनी वी च्याट जस्ता कुरा ल्याउन चाहन्छन्। वी च्याट चीनको एक सुपर एप हो जहाँ सबै प्रकारका सेवाहरू उपलब्ध छन्।