यी दुई प्रदेशमा आज मेघ गर्जनसहित वर्षाको सम्भावना

काठमाडौं । मंगलबार कोशी तथा बागमती प्रदेशका पहाडी भू-भागका केही स्थानहरू तथा बाँकी प्रदेशका पहाडी भू-भागका एक/दुई स्थानमा मेघ गर्जन र हावाहुरीसहित क्षणिक वर्षाको सम्भावना रहेको छ।

जल तथा मौसम विज्ञान विभागका अनुसार पहाडी भू-भागमा आंशिकदेखि सामान्य बदली रही बाँकी भू-भागमा आंशिक बदलीदेखि मौसम सामान्यतया सफा रहनेछ। पूर्वी तराईका थोरै स्थानहरूमा भने हावाहुरीको सम्भावना रहेको छ।

राति भने कोशी प्रदेशका एक/दुई स्थानमा मेघ गर्जन र हावाहुरीसहित क्षणिक वर्षाको सम्भावना रहेको छ।