राप्रपाको केन्द्रीय कार्यसम्पादन समिति बैठक बस्दै

काठमाडौ । राष्ट्रिय प्रजातन्त्र पार्टी (राप्रपा) ले केन्द्रीय कार्यसम्पादन समितिको बैठक बोलाएको छ।

पार्टी प्रवक्ता मोहन श्रेष्ठले दिएको जानकारीअनुसार बुधबार मध्यान्ह १ बजेदेखि कार्यसम्पादन समिति बैठक सुरू हुनेछ।

बैठक पार्टी केन्द्रीय कार्यालय धुम्बाराहीमा बस्नेछ। 

उनले आजको बैठकमा राष्ट्रपतिको निर्वाचनका बारेमा पनि बैठकमा छलफल हुने बताए। उनका अनुसार बैठक समसमायिक राजनीतिक विषयमा छलफल भएर निष्कर्षमा पुग्नेछ ।

पुष्पकमल दाहाल नेतृत्वको सरकारलाई दिएको समर्थन फिर्ता लिदैँ सरकारबाट बाहिरिएको राप्रपाले सोही गठबन्धनका उम्मेदवार नेपाली कांग्रेसका नेता रामचन्द्र पौडेललगायतसँग गठबन्धनमा आवद्ध नेताहरुसँग यसअघि नै छलफल गरिसकेको छ ।

आफनो पार्टीसँग मत माग्न आएका पौडेललगायतका गठबन्धन आबद्ध राजनीतिक दलसँग सोमवार साँझ छलफल गरेको राप्रपाले आज नै निर्णय लिएर फागुन २५ गते हुने राष्ट्रपति निर्वाचनका बारेमा निक्र्यौल गर्नेछ ।