चार ट्याङ्कर डिजेलमा मिसावट, निगमले थाल्यो छानबिन

काठमाडौं ।  भारतको सिलिगुढीस्थित इन्डियन आयल कर्पोरेसन (आईओसी) बाट झापा ल्याइएका चारवटा ट्याङ्करमा भएको डिजेलमा मिसावट भेटिएपछि छानबिन सुरु गरिएको छ ।

नवदुर्गा आयल स्टोर्सका नाममा रहेको प्र १–०१–००–१ ख ३५००, माता पाथीभरा आयल स्टोर्सका नाममा रहेको मे १ ख २१५१, उत्तरगङ्गा यातायात प्रालिका नाममा रहेको ना ७ ख १५०७ र रिजाल आयल सप्लायर्स एन्ड ट्रेडर्सका नाममा रहेको ना ७ ख ६९७४ नम्बरको ट्याङ्करमा ल्याइएको ८० हजार लिटर डिजेलको गुणस्तर जाँच्दा मिसावट भेटिएको आयल निगमले जनाएको छ ।

ती ट्याङ्कर हाल चारआलीस्थित निगमको शाखा कार्यालय परिसरमा पार्किङ गरेर राखिएको छ ।