मौसम पूर्वानुमान : कस्तो रहला देशभरको मौसम?

काठमाडौं ।  हाल देशमा पश्चिमी वायुको प्रभाव कायमै रहेको छ।

जसका कारण प्रदेश १, मधेश, बागमती, गण्डकी र लुम्बिनी प्रदेशमा आंशिक बदली  भई बाँकी स्थानको मौसम सफा रहेको छ। दिउँसो प्रदेश १, बागमती र गण्डकीमा सामान्य बदली हुने मौसम पूर्वानुमान महाशाखाले जनाएको छ।

यी प्रदेशका पहाडी भागमा मेघ गर्जन र चट्याङसहित हल्का वर्षाको सम्भावना छ। यस्तै प्रदेश १, बागमती र गण्डकी प्रदेशका उच्च पहाडी तथा हिमाली क्षेत्रमा हल्का हिमपातसमेत हुने महाशाखाले जनाएको छ।

राति  प्रदेश १, बागमती र गण्डकी प्रदेशका पहाडी भागमा आंशिक देखि सामान्य बदली रही देशका बाँकी स्थानको मौसम सफा रहनेछ। उच्च पहाडी तथा हिमाली क्षेत्रमा हिमपातको सम्भावना छ।