उपत्यकामा ‘स्पीड लिमिट’ तोकियो, प्रतिघण्टा ५० किलोमिटरभन्दा बढी गुडाउन नपाइने

काठमाडौं । काठमाडौं उपत्यकाका सडकमा सवारीको गति तोकिएको छ ।

काठमाडौं उपत्यकामा ट्राफिक प्रहरीले सडकको भौतिक अवस्थालाई मध्येनजर गर्दै सवारी दुर्घटना न्यूनीकरण तथा रोकथामका लागि सडक अनुसार सवारीको गति तोकेको हो ।

सवारी तथा यातायात व्यवस्था ऐन २०४९ र नियमावली २०५४ मा उल्लेखित गति नियन्त्रण सम्बन्धी व्यवस्था अनुसार सवारीको गति तोकिएको ट्राफिक प्रहरीले जनाएको छ ।