डीआईजी अशोक सिंहले दिए राजीनामा

काठमाडौं । जन्ममिति फरक फरक रहेको लगायत आरोपमा अख्तियार दुरुपयोग अनुसन्धान आयोगमा उजुरी परेपछि प्रहरी नायव महानिरीक्षक डीआइजी अशोक सिंहले राजीनामा दिएका छन्।

प्रहरी प्रधान कार्यालयमा पुगेर उनले राजीनामा बुझाएका हुन्।राजीनामाअघि सिंहले प्रहरी महानिरीक्षक धीरजप्रताप सिंहलाई भेटेका थिए। यस्तै, प्रधानमन्त्री पुष्पकमल दाहाल ‘प्रचण्ड’लाई पनि भेटेका थिए।

सिंहले पेश गरेको २२ जेठ २०४२ मा जारी नागरिकता प्रमाण पत्रको प्रतिलिपिमा उनको उमेर १८ वर्ष उल्लेख छ । प्रहरी प्रधान कार्यालयको विवरणमा अनुसार उनको जन्ममिति २२ जेठ २०२४ हुने उल्लेख छ ।